امس الاثنين كانت اول محاضره للدكتوره

امس الاثنين كانت اول محاضره للدكتوره


وقول لكم عن المحاضره اللي فاتتكم وفاتكم نص عمركم


لا من جد اتكلم انا حضرت المحاضره وهي احلى محاضره حضرتها الى الآن .. ماتحسفتوا انكم ماجيتوا


الدكتوره قصتها باختصار


درست طب بشري وتخصصت اشعه نوويه .. واخذت البورد الامريكي .. يعني باختصار اول سعوديه تتخصص وتدرس هالتخصص النادر .. حضرت العديد من المؤتمرات في الدول الغربيه والاوربيه ..تعمل على تحديد الاورام السرطانيه وعلاجها بالأشعه النوويه.. وصل راتبها الى 100 الف بالشهر وتركت مستشفى التخصصي وقدمت استقالتها ... مو مصدقين صح..!!


تدرون ليش..!! اقول لكم الباقي بكره << ------- ماتحب هالحركات


تقول ابتلاها الله بشقيقه ( صداع مستمر) وتقول ماقدرت اعالج نفسي وانا دكتوره كبيره.. اثر علي الصداع لدرجه كنت امشي على يدين ورجولي ما اقدر اوقف.. .. تقول جربت كل شي.. وكنت استخدم 5 مهدئات باليوم.. ومانفعني شي.. اقبلت على الله بالدعاء.. وبحثت ولقيت ان الحجامه تفيد في هالشئ.. تقول بحثت عن الحجامين بالسعوديه.. تقول للأسف ماكان فيه عيادات حجامه.. مافيه غير بيوت يتصلح فيها..ويستدرجون فيها الحريم عن طريق اغراء العقيم بانها ستحمل بعد عمليه الحجامه.. وللاأسف ذكرت الدكتوره قصه صارت.. راح اقولها لكم للعظه والعبره.. علشان لاتروحون عيادات وممرحات في بيوت.. لأن هالقصص تكررت كثير.. والقصه هي :


اتصلت حرمه في المريضه ( اللي تبي تحمل) قالت لها نسوي لك حجامه وبعدها راح تحملين.. المريضه مضطره انها تروح.. قالت لها تعالي لما ينام زوجك او يكون مو فيه.. تقول علشان الحاله النفسيه له مهمه.. ( تلعب عليها الله لايوفقها) تقول راحت المريضه لها ودخلتها للغرفه ونزعت لها ملابسها وقالت البسي هالقميص الخفيف وبس.. ونامي على بطنك.. بيدخل عليك دكتور يسوي لك تمريخ للرحم وحجامه بس مهما سوى لك لا تقوولين له ليش.. دخل الرجل وبدا يلمس المريضه ويجامعها ويرفع ارحامها زي مايقول والبنت ساكته تقول حسيت انه غلط بس ضعفت ماعرفت وش اسوي.. .. بعدين علمت عليه الهيئه ومسكوه .. بس بعد مالعب على الحريم وهم ساكتين


اكمل لكم قصة الدكتوره.. تقول قدمت استقالتي لما تشافيت بفعل الحجامه.. لانه مانفعني غير الطب النبوي.. الطب البديل.. وفتحت عياده. واصبحت اسوي حجامه للناس اللي مريضه .. والحمد لله تقول ان المرضى اللي يروحون للتخصصي لصديقاتها الدكتورات.. يجوون لعيادتي ويسوون حجامه.. وبعدها يروحون للمستشفى وهم بعاافيه.. ولما صديقاتهايسألون المريضات وين رحتوا وايش استخدمتوا..قالوا رحنا للحجامه(( سيما بخيت))دكتورتنا اللي نتكلم عنها سبحان الله



باختصار ..<<---- تعرفين تختصرين


الدكتوره جايه وجايه معها الطب النبوي كله.. الحبه السودا.. ورغيف خبز مصنوع من الشعير وهي مسويته بنفسها ماشاء الله عليها وظيفتها مكانتها مامنعتها من الطبخ .. وجايبه معها التلبينه ( وهي اللي وصى فيها الرسول والتلبينه معروفه)
ووتباع التلبينه وريعها للمسجد..


الدكتوره جايه مع خدامتها صايمين وجايه الساعه 5 ونص وافطرت بالمسجد مع الحريم.. والفطور لا يخلو من التمر والعصير والقهوه والشعير والزبادي والقشطه وكل شي..


وجلسنا مع بعض الى الساعه 9


بس بعضهم اول ماخلصت المحااضره ه طلعو.. والمحاضره تبدا من بعد صلاة المغرب والى بعد صلاة العشاء بقليل.. يعني لازم تحضرين الصلاه في المسجد علشان تلحقين على المحاضره ولا يعني بتفوووتك..


وقالت لنا الدكتوره ان الاثنين القادم لازم نحضر اطباق الفطور حقة الصيام مصنوووعه من الشعير تقول حتى القهوه


تورطت مادري وش اصلح.. فكروا معي باكله من الشعير.. تقول ابي السفره كلها مصنوعه من الشعير.. سواء السمبوسه.. او


القهوه او اي شي.. لا تفووتكم عاد ترى المحاضره كل اثنين.. خلصت محاضره وحده وباقي 3.. ترى حاضرين معنا ناس مصابين بامراض من زمان زي الصداع المستمر وكلهم اعطتهم الدكتوره عنوانها علشان تصلح لهم حجامه